இயக்குனர் நெல்சன் இயக்கத்தில் ரஜினிகாந்த், தமன்னா உள்ளிட்டோர் நடித்துள்ள ‘ஜெயிலர்’ திரைப்படத்தின் கிராண்ட் இசை வெளியீட்டு விழா, நாளை சென்னை நேரு உள்விளையாட்டு அரங்கில் நடைபெறுகிறது.
நாளை நடைபெற இருக்கும் இசை வெளியீட்டு விழாவையொட்டி, மேடை தயாரிக்கும் பணிகள் தீவிரமாக நடைபெற்று வருகிறது. அந்த வகையில், அலங்கார விளக்குகள் அமைக்கும் பணியில் ஈடுபட்ட அசாம் மாநிலத்தை சேர்ந்த சங்கர் மின்சாரம் தாக்கி படுகாயமடைந்துள்ளார்.
இதற்கிடையில், கடந்த 10 நாட்களுக்கும் மேலாக மாலத் தீவில் ஓய்வெடுத்திருந்த சூப்பர் ஸ்டார், இந்நிகழ்வில் கலந்து கொள்வதற்காக தனது சுற்றுலாவை முடித்துக் கொண்டு இன்று சென்னை திரும்பியுள்ளார். ரஜினி மாலத் தீவிலிருந்து சென்னைக்குத் திரும்பிய சில புகைப்படங்களை இணையத்தில் வைரலாகி வருகிறது.