கடந்த 2023-ம் ஆண்டு நெல்சன் இயக்கத்தில் ரஜினி நடிப்பில் வெளியான படம் ‘ஜெயிலர்’. இந்த படத்தில் ரஜினியுடன் இணைந்து வசந்த் ரவி, ரம்யா கிருஷ்ணன், யோகி பாபு, விநாயகன் ஆகியோர் முக்கிய கதாபாத்திரங்களில் நடித்திருந்தனர். சன் பிக்சர்ஸ் நிறுவனம் தயாரித்த இந்த படத்திற்கு அனிருத் இசையமைத்திருந்தார். இப்படம் ரூ.600 கோடிக்கு மேல் வசூல் செய்து சாதனை படைத்தது. இந்த படத்தின் வெற்றியை தொடர்ந்து இரண்டாம் பாகத்தை நெல்சன் திட்டமிட்டுள்ளதாக தகவல் வெளியானது. நடிகர் ரஜினிகாந்த் தற்போது லோகேஷ் கனகராஜ் இயக்கத்தில் கூலி படத்தில் நடித்து வருகிறார். இந்த படத்தின் கடைசி கட்ட படபிடிப்பு 16ம் தேதி துவங்கி ஜனவரி இறுதி வரை நடைபெறுகிறது. இந்த நிலையில் ஜெயிலர் 2 படத்திற்கான பணிகள் மார்ச் இறுதியில் துவங்க உள்ளதாக தகவல்கள் வெளியாகியுள்ளது. இதனிடையே ‘ஜெயிலர் 2’ படத்தின் டீசர் அப்டேட் வெளியாகியுள்ளது. படத்தின் டீசர் வரும் 14-ம் தேதி மாலை 6 மணிக்கு வெளியாக உள்ளதாக படக்குழு அதிகாரபூர்வமாக அறிவித்துள்ளது.
