Skip to content

ஐபிஎல்: பெங்களூருவை நொறுக்கியது குஜராத்

  • by Authour

18வது ஐபிஎல் கிரிக்கெட் தொடர் கடந்த மாதம் 22ம் தேதி தொடங்கி நடைபெற்று வருகிறது. இதில் நேற்று பெங்களூரு சின்னசாமி மைதானத்தில் நடைபெற்ற 14வது லீக் போட்டியில் பெங்களூரு – குஜராத் அணிகள் மோதின.

டாஸ் வென்ற குஜராத் அணி பந்துவீச்சை தேர்வு செய்தது. முதல் 2 போட்டிகளில் அபாரமாக விளையாடிய பெங்களூரு அணி சொந்த மைதானத்தில் ரன் குவிக்க முடியாமல் அடுத்தடுத்து விக்கெட்டுகளை இழந்தது. பெங்களூரு அணி 20 ஓவர்கள் முடிவில் 8 விக்கெட் இழப்புக்கு 169 ரன்கள் எடுத்தது.

அதிகபட்சமாக லிவிங்ஸ்டன் 54 ரன்கள் குவித்தார். சிராஜ் 3 விக்கெட்டுகளை வீழ்த்தி அசத்தினார். 170 ரன்களை இலக்காக கொண்டு களமிறங்கிய குஜராத் அணி ஆரம்பம் முதலே அதிரடியாக ரன்களை குவிக்க தொடங்கியது. இறுதியில் குஜராத் அணி 17.5 ஓவரில் 2 விக்கெட் இழப்புக்கு 170 ரன்களை எடுத்து 8 விக்கெட் வித்தியாசத்தில் அபார வெற்றி பெற்றது.

குஜராத் அணியில் அதிகபட்சமாக ஜோஸ் பட்லர் 73 ரன்களை குவித்தார். புவனேஷ்வர்குமார், ஹேசில்வுட் ஆகியோர் தலா 1 விக்கெட் வீழ்த்தினர். இந்த ஆண்டு ஐபிஎல் தொடரில் பெங்களூரு அணியின் முதல் தோல்வி இதுவாகும்.அதுவும் சொந்த மைதானத்திலேயே பெங்களூரு தோல்வியை சந்தித்தது. போட்டியில் 3 விக்கெட்டுகள் எடுத்த  முகமது சிராஜ் ஆட்டநாயகன் விருது பெற்றார்.

இதன் மூலம் புள்ளிபட்டியலில் முதலிடத்தில் இருந்த பெங்களூரு அணி 3வது இடத்திற்கு சறுக்கியது.

error: Content is protected !!