16-வது ஐபிஎல் தொடரின் இறுதிப்போட்டி நேற்று நடைபெற்றது. இதில் குஜராத் – சென்னை அணிகள் மோதின. 5 விக்கெட்டுகள் வித்தியாசத்தில் சென்னை அணி வெற்றி பெற்று 5-வது முறையாக கோப்பையை கைப்பற்றி அசத்தியது. போட்டிக்கு பின் பேசிய குஜராத் அணியின் கேப்டன் ஹர்திக் பாண்டியா கூறியதாவது :
“நான் சாக்குப்போக்கு கூறும் நபர்களில் ஒருவரல்ல. சென்னை அணி எங்களை விட சிறந்த கிரிக்கெட்டை விளையாடியது. நாங்கள் பேட்டிங் செய்த விதம் நிச்சயமாக ஆச்சரியமாக இருந்தது. சாய் சுதர்சன் விளையாடிய விதம் சிறப்பாக இருந்தது .. நான் அவரை நன்றாக வாழ்த்துகிறேன், அவர் வாழ்க்கையில் அதிசயங்களைச் செய்யப் போகிறார். எங்கள் வீரர்கள் சீசன் முழுவதும் விளையாடிய விதம் உண்மையிலேயே பெருமையாக இருக்கிறது.தொடர்ந்து போராடினார்கள். பயிற்சி ஊழியர்களுக்கும் ஒரு சிறப்பு குறிப்பு. அவர்கள் அருமையாக இருந்துள்ளனர். நல்லவர்களுக்கு நல்லது நடக்கும் என்று கடந்த ஆண்டு சொன்னேன். நான் சந்தித்த நல்ல மனிதர்களில் தோனியும் ஒருவர். டோனியிடம் தோற்றது மகிழ்ச்சி என தெரிவித்தார்