திண்டுக்கல்லை சேர்ந்த சூர்ய மூர்த்தி என்பவர் இரட்டை இலை மற்றும் அதிமுக பொதுச்செயலாளர் பதவி தொடர்பாக வழக்கு தொடர்ந்துள்ளார். இந்த வழக்கு விசாரணை நடந்து வரும் நிலையில், அதிமுக பொதுச்செயலாளர் எடப்பாடி பழனிசாமி சென்னை ஐகோர்ட்டில் ஒரு மனு தாக்கல் செய்தார். அதில், அதிமுக பொதுச்செயலாளர் பதவி தொடர்பாக தேர்தல் ஆணையம் எந்த விசாரணையும் நடத்தக்கூடாது என உத்தரவிட வேண்டும் என கோரியிருந்தார்.
இந்த மனுவை விசாரித்த சென்னை உயர் நீதிமன்றம் அதிமுக பொதுச்செயலாளர் பதவி குறித்து விசாரணை நடத்த தேர்தல் ஆணையத்துக்கு தடை விதித்து இன்று உத்தரவிட்டது. இதற்கு வரும் 27ம் தேதிக்குள் பதிலளிக்கும்படியும் தேர்தல் ஆணையத்துக்கு ஐகோர்ட் உத்தரவிட்டு வழக்கை வரும் 27ம் தேதிக்கு ஒத்திவைத்தது.