தமிழ்நாடு அரசுப்பணியாளர் தேர்வாணையத்தால் நடத்தப்படும் ஒருங்கிணைந்த குடிமைப்பணிகள் (தொகுதி – II மற்றும் தொகுதி – IIA) பதவிகளுக்கான முதல்நிலைத் தேர்வுகள் வரும் 14.9.2024 அன்று சனிக்கிழமை காலை 9.30 மணிக்கு நடக்கிறது.
அரியலூர் மாவட்டத்தில் இந்த தேர்வு 29 மையங்களில் நடக்கிறது. 8800 பேர் எழுதுகிறார்கள். இவர்களுக்காக மாவட்டத்தில் சிறப்பு ஏற்பாடுகள் செய்யப்பட்டுள்ளது.அரியலூர், உடையார்பாளையம், ஆகிய 2 வட்டங்களிலும் 29 தேர்வு கூடங்களில் 8800 தேர்வர்கள் தேர்வு எழுத உள்ளனர்.
அரியலூர் வட்டத்தில் அரியலூர் அரசு கலைக்கல்லூரி, அரசு நகர் மெட்ரிக் மேல்நிலைப்பள்ளி, நிர்மலா பெண்கள் மேல்நிலைப்பள்ளி, நிர்மலா பெண்கள் மெட்ரிக் மேல்நிலைப்பள்ளி, தூய மேரி உயர்நிலைப்பள்ளி, கோல்டன் கேட்ஸ் குளோபல் மெட்ரிக் பள்ளி, அரசு பாலிடெக்னிக் கல்லூரி கீழப்பழுர், விநாயகா கல்வியியல் கல்லூரி கருப்பூர், அண்ணா பல்கலைகழக பொறியியல் கல்லூரி காத்தான்குடிக்காடு அரசினர் மேல்நிலைப்பள்ளி இலந்தைகூடம் ராம்கோ வித்யாமந்தீர் சீனியர் செகன்டரி பள்ளி என மொத்தம் 15 தேர்வு மையங்களிலும்;,
உடையார்பாளையம் வட்டத்தில், ஜெயங்கொண்டத்தில் பாத்திமா மெட்ரிக் மேல்நிலைப்பள்ளி, பாத்திமா பெண்கள் மேல்நிலைப்பள்ளி, பெரியார் மெட்ரிக் மேலநிலைப்பள்ளி, அரசினர் மாடல் மேல்நிலைப்பள்ளி, அரசு உயர்நிலைப்பள்ளி செங்குந்தபுரம், அரசினர் மேல்நிலைப்பள்ளி மேலணிக்குழி, அரசினர் மேல்நிலைப்பள்ளி த.பொட்டகொல்லை, மீனாட்சி ராமசாமி மெட்ரிக் மேல்நிலைப்பள்ளி, மீனாட்சி ராமசாமி கலை மற்றும் பொறியியல் கல்லூரி, அரசு பெண்கள் மேல்நிலைப்பள்ளி உடையார்பாளையம், கௌதம புத்தர் மேல்நிலைப்பள்ளி மணகெதி, பாரத மாத ஆர்.சி.மேல்நிலைப்பள்ளி நடுவலூர் என மொத்தம் 14 தேர்வு மையங்களிலும் தேர்வு நடைபெற உள்ளது.
தேர்வர்களுக்கு தேவையான அடிப்படை வசதிகள் மற்றும் பேருந்து வசதிகள் மாவட்ட நிர்வாகத்தால் ஏற்பாடு செய்யப்பட்டுள்ளது. இத்தேர்வினை கண்காணிப்பிற்காக துணை ஆட்சியர் நிலையில் 2 பறக்கும் படை அலுவலர்கள், 8 இயங்கு குழுக்கள் மற்றும் கண்காணிப்பாளர் / உதவியாளர் நிலையில் தேர்வுக்கூட நடைமுறைகளை கண்காணித்திட 29 ஆய்வு அலுவலர்கள், 29 வீடியோகிராபர்கள் நியமிக்கப்பட்டுள்ளனர்.
இந்த தேர்வில் கலந்து கொள்ளும் மாற்றுத்திறனாளிகளுக்கு தரைத்தளத்தில் தேர்வு எழுத வசதி செய்யப்பட்டுள்ளது. மாவட்டம் முழுவதும் ஒவ்வொரு தேர்வு கூடங்களுக்கும் காவலர்கள் பாதுகாப்பு பணிக்கு ஈடுபடுத்தப்பட உள்ளனர். தேர்வு எழுதுபவர்களுக்கு மாவட்ட நிர்வாகத்தின் சார்பில் போக்குவரத்து உள்ளிட்ட வசதிகள் செய்யப்பட்டுள்ளது.
தேர்வு எழுதவரும் தேர்வர்கள் தேர்வாணையத்தால் அறிவிக்கப்பட்ட நேரத்திற்குள் அவர்களுக்கு ஒதுக்கீடு செய்யப்பட்ட தேர்வு கூடத்திற்கு சென்றடைய வேண்டும். அறிவிக்கப்பட்ட காலத்திற்கு பின் வருகைபுரியும் தேர்வாளர்கள் எக்காரணத்தை கொண்டும் தேர்வு எழுத அனுமதிக்கப்படமாட்டார்கள் என மாவட்ட ஆட்சித்தலைவர் பொ.ரத்தினசாமி தெரிவித்துள்ளார்.