கள ஆய்வில் முதல்வர்’ என்ற திட்டத்தை தொடங்கி வைத்தல் உள்ளிட்ட பல்வேறு நிகழ்ச்சிகளில் பங்கேற்க தமிழக முதலமைச்சர் ஸ்டாலின் சென்னையில் இருந்து ரயிலில் இன்று வேலூர் சென்றார். இதற்காக அவர் பயணம் செய்த ரயில் பெட்டியில் , ஆய்வுக்கான அடிப்படை வசதிகள் செய்யப்பட்டு இருந்தது. அவர் பயணித்த பெட்டியே அலுவலகமாக உருவாக்கப்பட்டது. கான்பரன்ஸ் ஹால் உள்பட பல்வேறு வசதிகள் அந்த பெட்டியில் செய்யப்பட்டு இருந்தது. முதல்-அமைச்சருடன், தலைமை செயலாளர் வெ.இறையன்பு, அமைச்சர் மகேஷ் பொய்யாமொழி, முதல்-அமைச்சரின் தனிச்செயலாளர்கள் உதயச்சந்திரன், உமாநாத்,
சண்முகம் ஆகியோரும் முதல்-அமைச்சருடன் ரெயிலில் பயணம் செய்தனர். ரயில் பயணத்திலேயே புதிய திட்டங்கள், குறித்து தலைமைச்செயலாளர் உள்ளிட்ட அதிகாரிகளுடன் ஆலோசித்தவாறு முதல்வர் பயணித்தார்.
