திருச்சி மாநகரில் எடமலைப்பட்டி புதூர், திருவரங்கம் உள்ளிட்ட பகுதிகளில் கஞ்சா விற்கப்படுவதாக போலீசாருக்கு தகவல் வந்தது .இதையடுத்து எடமலைப் பட்டிபுதூர் போலீஸ் சரகத்திற்கு உட்பட்ட ராம்ஜி நகர் மில் காலனி, கொத்தமங்கலம் உள்ளிட்ட பகுதிகளில் இன்ஸ்பெக்டர் விஜயபாஸ்கர் தலைமையிலான போலீசார் அதிரடி சோதனை நடத்தினர். இந்த சோதனையில் ராம்ஜி நகரை சேர்ந்த சரவணன், தீன தயாளன், சரவணன் மனைவி ஸ்ரேகா, விமல் மனைவி சீலா, சின்னப்பொண்ணு, சக்திவேல், ஆகிய 6 பேர் கைது செய்யப்பட்டனர். இதில் மூன்று பெண்கள் கைதானது குறிப்பிடத்தக்கது.இவர்களிடமிருந்து ஆறரை கிலோ கஞ்சா பறிமுதல் செய்யப்பட்டது. இதேபோல் திருவரங்கம் பகுதியில் சப்-இன்ஸ்பெக்டர்கள் ராஜகோபால்,தீபிகா தலைமையிலான போலீசார் நடத்திய அதிரடி வேட்டையில் திருவானைக்காவல் பகுதியைச் சேர்ந்த மகேந்திரன், கலிய பெருமாள் ஆகிய இரண்டு பேர் கைது செய்யப்பட்டனர். அவர்களிடமிருந்து கஞ்சா பறிமுதல் செய்யப்பட்டது.
