தமிழ்நாடு முழுவதும் இன்று வரைவு வாக்காளர் பட்டியல் வெளியிடப்பட்டது. அதன்படி தலைமை செயலகத்தில் தமிழ்நாடு தலைமை தேர்தல் அதிகாரி சத்யபிரதா சாகு தமிழ்நாடு வாக்காளர் பட்டியலை வெளியிட்டார். தமிழ்நாட்டில் மொத்தம் 6 கோடியே 27 லட்சத்து 30 ஆயிரத்து 588 பேர் வாக்காளர்களாக உள்ளனர்.
இவர்களில் ஆண்கள் 3,07,90,791, பெண்கள் 3 ,19,30,833 பேர் மூன்றாம் பாலினத்தவர் 18,864பேர். வாக்காளர் பட்டியலில் வழக்கம் போல ஆண்களை விட பெண்களே அதிகம் உள்ளனர். வழக்கம் போல இந்த முறையும் காஞ்சிபுரம் மாவட்டம் சோழிங்கநல்லூர் சட்டமன்ற தொகுதியே அதிக வாக்காளர்களை கொண்ட தொகுதியாக உள்ளது. இங்கு 6 லட்சத்து 76ஆயிரத்து 133 பேர் உள்ளனர். மிக குறைந்த வாக்காளர்கள் கொண்ட தொகுதியாக நாகை மாவட்டம் கீழ்வேளூர் தொகுதி உள்ளது. இங்கு மொத்த வாக்காளர்கள் 1 லட்சத்து 73ஆயிரத்து 230பேர் இவர்களில் ஆண்கள் 85,065, பெண்கள் 88,162, மூன்றாம் பாலினம் 3 பேர்.