தமிழக முதல்வர் மு.க.ஸ்டாலினின் 72வது பிறந்த தினம் வரும் மார்ச் 1ம் தேதி கொண்டாடப்படுகிறது. அன்றைய தினம் முதல்வர் ஸ்டாலின் பெரியார், அண்ணா, கருணாநிதி நினைவிடங்களுக்கு சென்று மரியாதை செலுத்துகிறார். பின்னர் அமைச்சர்கள், திமுக நிர்வாகிகள், அதிகாரிகளின் பிறந்தநாள் வாழ்த்துக்களை ஏற்கிறார்.
அதைத்தொடர்ந்து அன்று மாலை சென்னையில் முதல்வர் ஸ்டாலின் பிறந்தநாள் விழா பிரமாண்ட பொதுக்கூட்டம் நடத்தப்படுகிறது. இந்த கூட்டத்தில் முதல்வர் ஸ்டாலின் மற்றும் திமுக கூட்டணி கட்சி தலைவர்கள் அனைவரும் பங்கேற்று உரையாற்றுகிறார்கள். இதற்கான ஏற்பாடுகள் திமுக சார்பில் செய்யப்பட்டு வருகிறது.