கரூர் மாவட்ட ஆட்சியர் அலுவலகத்தில் மாவட்ட ஆட்சித் தலைவர் பிரபுசங்கர் மாவட்ட திட்டமிடும் குழு உறுப்பினர்கள் தேர்தலுக்கான இறுதி வாக்காளர் பட்டியலை வெளியிட மாவட்ட ஆட்சியரின் நேர்முக உதவியாளர் (பஞ்சாயத்து வளர்ச்சி) சிவராமகிருஷ்ணராஜ் பெற்றுக் கொண்டார்.
தமிழ்நாடு உள்ளாட்சி அமைப்புகள் (மாவட்ட திட்டமிடும் குழு உறுப்பினர்கள் தேர்தல்) விதிகள் 1999-ன் படி கரூர் மாவட்ட திட்டமிடும் குழுவிற்கு மாவட்ட ஊராட்சி உறுப்பினர்களில் இருந்து 8 நபர்களையும், பேரூராட்சிகள் நகராட்சிகள் மற்றும் மாநகராட்சி உறுப்பினர்களில் இருந்து 4 நபர்களை தேர்ந்தெடுப்பதற்கான தேர்தலுக்கு கரூர் மாவட்டத்தில் இன்றைய நிலையில் உள்ள மாவட்ட ஊராட்சி, பேரூராட்சிகள், நகராட்சிகள் மற்றும் மாநகராட்சிகளில் உள்ள மொத்தம் 258 உறுப்பினர்களைக் கொண்ட இறுதி வாக்காளர் பட்டியல் தயாரிக்கப்பட்டு வாக்காளர் பதிவு அலுவலர்/ மாவட்ட கலெக்டர் பிரபுசங்கர் வெளியிட்டார். இந்நிகழ்வில் தனித்துணை ஆட்சியர் சைபுதீன் உடன் இருந்தனர்.