பட்டுக்கோட்டை நகர போலீஸ் நிலையம் மற்றும் தாலுகா போலீஸ் நிலையம் எல்லைக்குட்பட்ட பகுதிகளில் தொடர்ந்து வாகன திருட்டுகள் நடைபெறுவதாக போலீசாருக்கு புகார்கள் வந்தன. அதன் பேரில் இன்ஸ்பெக்டர் சுப்ரமணியன் தலைமையில் சப்- இன்ஸ்பெக்டர் அடைக்கல ஆரோக்கியசாமி டேவிட் மற்றும் போலீசார் அடங்கிய தனிப்படை அமைக்கப்பட்டு சி.சி.டி.வி. பதிவுகளை தீவிர விசாரணை மேற்கொண்டனர்.
இதில் புதுக்கோட்டை மாவட்டம் புது விடுதியைச் சேர்ந்த அபின்தாஸ் ( 19) மற்றும் 18 வயது சிறுவன் ஆகிய 2 பேரும் தொடர் வாகன திருட்டில் ஈடுபட்டது கண்டுபிடிக்கப்பட்டது. பின்னர் அவர்களிடமிருந்து திருடப்பட்ட பைக்குகளை போலீசார் பறிமுதல் செய்து 2 பேரையும் கைது செய்தனர். மேலும் வாகன திருட்டில் ஈடுபட்ட பட்டுக்கோட்டை காளியம்மன் கோவில் தெருவைச் சேர்ந்த கிருட்டி சாந்தகுமார் (21), பட்டுக்கோட்டை ஆனை விழுந்தான் குளம் தெருவைச் சேர்ந்த கண்ணன் (22) ஆகிய 2 பேரையும் போலீசார் தேடி வருகின்றனர்.