சென்னை பச்சையப்பன் கல்லூரி மாணவர்கள் 5 பேர் தாக்கியதில் மாநில கல்லூரி மாணவர் சுந்தர் உயிரிழந்தார். இது தொடர்பாக பச்சையப்பன் கல்லூரி மாணவர்கள் 5 பேர் கைது செய்யப்பட்ட நிலையில் மாநில கல்லூரிக்கு இன்று முதல் வரும் ஞாயிறு வரை விடுமுறை அறிவிக்கப்பட்டது. இந்த நிலையில் மாணவர்கள் கல்லூரியை விட்டு வெளியேறாமல், நீதி வேண்டும் என போராட்டத்தில் ஈடுபட்டுள்ளனர். இதனால் அங்கு பதற்றம் ஏற்பட்டுள்ளது. மாணவர்கள் மத்தியில் கல்லூரி முதல்வர் ராஜன் பேச்சுவார்த்தை நடத்தினார். ஆனாலும் மாணவர்கள் சமாதானம் அடையாமல் போராட்டத்தில் ஈடுபட்டுள்ளனர்.
