சென்னை எழில் நகரில் நமக்கு நாமே திட்டத்தில் மழலைகள் பள்ளியை முதல்வர் மு.க. ஸ்டாலின் திறந்து வைத்து குழந்தைகளுக்கு கல்வி உபகரணங்கள் அடங்கிய பைகளை வழங்கினார். பின்னர் முதல்வர் மு.க.ஸ்டாலின் நிருபர்களிடம் கூறியதாவது:
வடகிழக்கு பருவமழையை எதிர்கொள்ள அரசு தயார் நிலையில் உள்ளது. மழை வருகிறதோ இல்லையோ அதை எதிர்கொள்ள தயாராக இருக்கிறோம். மழை முன்னெச்சரிக்கை தொடர்பாக டெல்டா மாவட்ட கலெக்டர்களுக்கு அறிவுரை வழங்கப்பட்டுள்ளது.
அதானி நிறுவன ஊழலில் மின்வாரியத்தின் பங்கு குறித்து அரசு தெளிவுபடுத்த வேண்டும் என்றும், அதானி, முதல்வரை சந்தித்ததாகவும் பாமக நிறுவனர் ராமதாஸ் அறிக்கை வெளியிட்டுள்ளாரே என கேட்டபோது, அவருக்கு வேலை இல்லை. அதனால் தினமும் ஒரு அறிக்கை வெளியிடுகிறார். அதற்கெல்லாம் பதில் சொல்ல வேண்டிய அவசியம் இல்லை.
இவ்வாறு முதல்வர் கூறினார்.