சென்னையில் நேற்று முதல் இன்று காலை வரை தொடர்ந்து கனமழை, மிதமான மழை மாறி மாறி பெய்து வருகிறது. இதனால் மக்களின் இயல்பு வாழ்க்கை பாதிக்கப்பட்டுள்ளது. சென்னை, செங்கல்பட்டு, காஞ்சிபுரம், கள்ளக்குறிச்சி விழுப்புரம், மயிலாடுதுறை வரை இன்று கனமழை பெய்யும். ஆனால் அது சமாளிக்க கூடிய வகையில் தான் இருக்கும் என தனியார் வானிலை ஆய்வாளர் பிரதீப் ஜான் தெரிவித்துள்ளார்.
சென்னையில் தற்போதும் மிதமான மழை பெய்து வருவதால் இன்று சென்னையில் புத்தக கண்காட்சிக்கு விடுமுறை அளிக்கப்பட்டுள்ளது. நாளை புத்தக கண்காட்சி வழக்கம் போல நடைபெறும் என அறிவிக்கப்பட்டுள்ளது.
கடலூர் மாவட்டத்தில் இன்று 2ம் நாளாக கனமழை நீடிப்பதால் நெய்வேலி நிலக்கரி சுரங்கத்தில் நிலக்கரி வெட்டி எடுக்கும் பணி இன்று நிறுத்தப்பட்டுள்ளது. நாகை மாவட்டம் வேதாரண்யம் பகுதியில் கனமழை பெய்வதால் தொடக்க, நடுநிலைப்பள்ளிகளுக்கு மட்டும் விடுமுறை அளிக்கப்பட்டுள்ளது.