கோவை, போத்தனூர் செட்டிபாளையம் மாநகரில் இருந்து புறநகர் பகுதியில் ஏராளமான தொழிற்சாலைகள் இயங்கி வருகிறது. மேலும் ரெடிமேட் சிமெண்ட், ஜல்லி கற்கள், மணல் போன்ற மொத்த வியாபாரம் செய்யும் தொழில் நிறுவனங்கள் இப்பகுதியில் இயங்கி வருகிறது.
கடந்த ஒன்பதாம் தேதி அன்று இரவு 9 மணி அளவில் இடதுபுறத்தில் இருந்து வந்த இருசக்கர வாகனம் இடது புறமாக சாலையில் திரும்பி சென்று உள்ளது. இருசக்கர வாகனத்தை இயக்கிய நபர் வலது புறத்தில் வாகனம் வருகிறதா என்று பார்க்காமல் கவனக்குறைவாக இருசக்கர வாகனத்தை திரும்பி சாலையில் செல்ல முயன்ற போது பின்புறமாக வந்த டிப்பர் லாரி பின் சக்கரத்தில் மோதி உள்ளார். இதில் நிலை தடுமாறி கீழே விழுந்த அவர் மீது லாரியின் சக்கரங்கள் ஏறி இறங்கி உள்ளது. இதில் சம்பவ இடத்திலேயே அவர் உயிரிழந்து உள்ளார்.
இந்நிலையில் அவர் சாலையில் விபத்தில் சிக்கி உயிரிழந்த நிலையில் கிடக்கும் சி.சி.டி.வி. காட்சிகள் தற்போது வெளியாகி அதிர்ச்சியை ஏற்படுத்தி உள்ளது. மேலும் இது குறித்து காவல் துறையினர் வழக்கு பதிவு செய்து விசாரணை நடத்தி வருகின்றனர்.