தஞ்சை மாவட்டம் கும்பகோணத்தை அடுத்து கொர நாட்டு கருப்பூர் பகுதியைச் சேர்ந்தவர் யாசர் அராபத் (40), மயிலாடுதுறை மாவட்டம் குத்தாலம் தாலுகா நக்கம்பாடி பள்ளிவாசல் தெருவையைச் சேர்ந்தவர் முகமது அன்வர் (56), குத்தாலம் நக்கம்பாடி ஸ்ரீ கண்டபுரம் ஹாஜியார் தெருவைச் சோ்ந்த பஷீர்அகமது மனைவி ஹாஜிதா பேகம் (62), திருமங்கலம் பகுதியைச் சேர்ந்த அசரப் அலி மனைவி சராபாத் நிஷா (30), இரண்டு வயது அப்னான் என்ற ஆண் குழந்தை . இவர்கள் அனைவரும் உறவினர்கள்.
இவர்கள் அனைவரும் சென்னை மருத்துவமனையில் சிகிச்சை பெற்று வரும் உறவினரை பார்த்து விட்டு காரில்
சொந்த ஊர் திரும்பிக்கொண்டு இருந்தனர். நேற்று நள்ளிரவு கார் சென்னையில் இருந்து புறப்பட்டது. இன்று அதிகாலை கார் கடலூர் மாவட்டம் சிதம்பரம் அருகே உள்ள பி முட்லூர் அருகே ஆணையம்குப்பம் எனும் இடத்தில் கார் வந்துகொண்டு இருந்தது.
அப்போது இவர்களது காரும், லாரியும் நேருக்கு நேர் மோதியதில் காரில் இருந்த 5 பேரும் சம்பவ இடத்திலேயே பரிதாபமாக உயிரிழந்தனர். சம்பவ இடத்திற்கு விரைந்து சென்ற பரங்கிப்பேட்டை போலீசார் ஐந்து பேர் உடல்களையும் கைப்பற்றி பிரேத பரிசோதனைக்காக சிதம்பரம் அரசு மருத்துவமனைக்கு அனுப்பி வைத்தனர். மோதிய லாரி டிரைவரை தேடி வருகிறார்கள்.