புதுச்சேரியில் இருந்து சென்னை நோக்கி இன்று காலை ஒரு கார் வந்தது. காரில் 4 பேர் இருந்தனர். கிழக்கு கடற்சரை சாலையில் , கோவளம் அடுத்துள்ள செம்மஞ்சேரி அருகே வேகமாக வந்த கார், அங்கு நின்றுகொண்டிருந்த லாரி மீது மோதியது. இதில் கார் நொறுங்கியது. காரில் இருந்த 4 பேரும் பலியானார்கள்.
தகவலறிந்து கேளம்பாக்கம் போலீசார் சம்பவ இடத்திற்கு வந்தனர். தீயணைப்பு வீரர்களும் அங்கு வந்து இடிபாடுகளில் சிக்கி கிடந்த 4 சடலங்களையும் மீட்டனர். விபத்து குறித்து போலீசார் விசாரணை நடத்தினர்.