நாம் தமிழர் கட்சியின் வேட்பாளர்கள் அறிமுக கூட்டம் மற்றும் தேர்தல் பிரசார தொடக்க விழா நாளை(சனிக்கிழமை) மாலை 5 மணிக்கு சென்னை பல்லாவரம் காவேரி மருத்துவமனை அருகில் நடக்கிறது. கூட்டத்தில் 40 மக்களவை தொகுதி வேட்பாளர்களையும் அறிமுகம் செய்து நாம் தமிழர் கட்சியின் தலைமை ஒருங்கிணைப்பாளர் சீமான் பேசுகிறார்.
இந்த கூட்டத்தில் தொகுதி பொறுப்பாளர்கள், கட்சியின் பொறுப்பாளர்கள், அனைவரும் கலந்து கொள்ளும்படி நாதக தலைமை நிலைய செயலாளர் செந்தில்குமார் கேட்டுக்கொண்டுள்ளார்.