புதுக்கோட்டை மாவட்ட மாற்றுத்திறனாளிகள் நல அலுவலகம் மூலமாக மாதாந்திர பாராமரிப்பு உதவித்தொகை வழங்கும் திட்டத்தின்கீழ் மாதம் ரூ.2000/- பெறும் பயனாளிகள் தங்களுடைய ஆதார் எண்ணை அலுவலகத்தில் பதிவேற்றம் செய்திட வேண்டும். புதுக்கோட்டை மாவட்ட மாற்றுத்திறனாளிகள் நல அலுவலகத்தின் மூலமாக 75% சதவீதம் மற்றும் அதற்கு மேல் கை – கால் கடுமையாக பாதிக்கப்பட்டவர்கள், மனவளர்ச்சி குறைபாடுடையோர், தொழுநோயால் பாதிக்கப்பட்டவர்;, தசைச் சிதைவு நோயால் பாதிக்கப்பட்டவர்கள், முதுகு தண்டுவடம் பாதிக்கப்பட்டவர்களுக்கு மாதாந்திர பராமரிப்பு உதவித்தொகையாக ரூ.2000/- வழங்கப்படுகிறது. இத்திட்டத்தின் கீழ் பயன்பெற்று வரும் பயனாளிகள் அனைவரும் கட்டாயமாக தங்களது ஆதார் எண், தேசிய அடையாள அட்டை எண், UDID எண், தொலைபேசி எண் ஆகியவற்றை இத்திட்டத்தின் கீழ் பதிவு செய்திட வேண்டும். ஆதார் எண் பதிவேற்றும் செய்துள்ள மாற்றுத்திறனாளிகளுக்கு மட்டுமே ஜனவரி-2023 முதல் உதவித்தொகை வழங்கிட நடவடிக்கை மேற்கொள்ளப்படவுள்ளது.
எனவே இதுநாள் வரையில் பயனாளி உயிருடன் உள்ளார் என கிராம நிர்வாக அலுவலரிடம் வாழ்நாள் சான்று, ஆதார் அட்டை நகல், UDID பதிவு எண் ஒப்படைக்காத மாற்றுத்திறனாளிகள் 03.02.2023 -ஆம் தேதிக்குள்; பயனாளியின் ஆதார் அட்டை நகல், UDID அட்டை நகல், வங்கி சேமிப்பு புத்தக நகல் மற்றும் கிராம நிர்வாக அலுவலரிடம் பயனாளி உயிருடன் உள்ளார் என வாழ்நாள் சான்று பெற்று, மாற்றுத்திறனாளிகள் அல்லது அவர்களின் பெற்றோர்ஃபாதுகாவலர்கள், புதுக்கோட்டை புதிய பேருந்து நிலையம் அருகில் செயல்படும் மாவட்ட மாற்றுத்திறனாளிகள் நல அலுவலகத்தில் வழங்கிட வேண்டும் என மாவட்ட ஆட்சித்தலைவர் கவிதா ராமு, தெரிவித்துள்ளார்.