திருச்சி மத்திய பேருந்து நிலையத்திலிருந்து நேற்று ஈரோடு சென்ற அரசு பஸ், கம்பரசம்பேட்டை – முருங்கபேட்டை இடையே உள்ள காளி கோயில் அருகில் வந்து கொண்டிருந்தது. அப்போது எதிரில் வந்த ஆட்டோ மீது பஸ் பயங்கரமாக மோதியதில் சம்பவ இடத்திலேயே ஆட்டோ டிரைவர் அங்குராஜ் (26) என்பவர் உயிரிழந்தார்.
இந்த விபத்தில் மேலும் ஆட்டோவில் இருந்த நான்கு பேர் படுகாயம் அடைந்தனர். அவர்கள் அரசு மருத்துவமனையில் சிகிச்சைக்காக அனுமதிக்கப்பட்டுள்ளனர்.ஆட்டோவில் பயணித்த அனைவரும் திருச்சி தில்லை நகர் வடவூர் பகுதி சேர்ந்தவர்கள். இந்த விபத்து குறித்து போலீசார் விசாரணை நடத்தினர்.