சினிமா பார்க்க சென்றபோது மர்ம ஆசாமிகள் கைவரிசை திருச்சி நவ 13- திருச்சி உறையூர் சாலை ரோடு வெட்டுபுலி சந்து பகுதி சேர்ந்தவர் ஹபிர் ரகுமான் ( 34) இவர் கடந்த 13ந்தேதி தனது வீட்டை பூட்டிவிட்டு மனைவி ஹிமாநி லோபர் உடன் சினிமாவிற்கு சென்று விட்டார்.இந்த நிலையில் வீட்டில் யாரும் இல்லாதத்தை தெரிந்து கொண்ட மர்ம ஆசாமிகள் வீட்டின் பூட்டை உடைத்து உள்ளே சென்று பீரோவை திறந்து அதில் இருந்த நகையை திருடிக் கொண்டு அங்கிருந்து ஓடிவிட்டனர்.சினிமா பார்த்துவிட்டு மாலை வீட்டுக்கு வந்த ஹபிர் ரகுமான் வீட்டின் பூட்டு உடைக்கப்பட்டு இருப்பதை கண்டு அதிர்ச்சி அடைந்தார்.பிறகு உள்ளே சென்று பார்த்தபோதுபீரோ திறக்கப்பட்டு அதிலிருந்து 19 1/2 பவுன் நகை காணாமல் போய் இருப்பது தெரியவந்தது. இதையடுத்து உடனடியாக உறையூர் போலீசாருக்கு தகவல் தெரிவித்தார். தகவல் இருந்து போலீசார், மோப்ப நாய்,கைரேகை நிபுணர்கள் சம்பவ இடத்திற்கு விரைந்து சென்று வீட்டில் தீவிர சோதனை செய்தார்கள். இச்சம்பவம் குறித்து உறையூர் குற்றப்பிரிவு போலீசார் வழக்கு பதிவு செய்து விசாரணை செய்து வருகின்றனர்.
தலையில் அடிப்பட்டு வாலிபர் மர்ம சாவு…. விசாரணை…
புதுக்கோட்டை மாவட்டம் விராலிமலை அருகே மாத்தூர் பகுதியை சேர்ந்தவர் கருப்பையா. இவரது 2வது மகன் சரவணன் (29). இவர் கடந்த 7ம்தேதி வீட்டில் இருந்து சென்னையில் இருக்கும் சகோதரர் சங்கர் என்பவர்ரை பார்ப்பதற்காக சென்றார். பிறகு ரெயிலில் திரும்பி வந்துள்ளார். ஆனால் சரவணன் வீட்டுக்கு செல்லவில்லை. இது தொடர்பாக அவரது வீட்டார் சரவணன் பல இடங்களில் தேடியுள்ளனர். ஆனால் எங்கு தேடியும் கிடைக்கவில்லை. இந்நிலையில் கடந்த 14ம் தேதி திருச்சி அரசு மருத்துவமனையில் தலையில் பலத்த காயத்துடன் அனுமதிக்கப்பட்டு சரவணன் சிகிச்சை பெற்று வந்தார். இந்நிலையில் சிகிச்சை பலனின்றி சரவணன் பரிதாபமாக உயிரிழந்தார்.இது குறித்து அரசு மருத்துவமனை போலீசார் வழக்கு பதிவு செய்து சரவணன் மர்ம சாவு குறித்து வழக்கு பதிவு செய்து தீவிர விசாரணை செய்து வருகின்றனர்.