புதுக்கோட்டை மாவட்டம் ராஜாளிப்பட்டி அடுத்த பாப்பனம்பட்டியை சேர்ந்தவர் காளிமுத்து(35), இவரது தம்பி பழனியப்பன்(28) இவர்கள் இருவரும் இன்று காலை மதுரை ரோட்டில் திருச்சி நோக்கி பைக்கில் வேகமாக வந்தனர். பைக்கை காளிமுத்து ஓட்டினார். நாகமங்கலம் பள்ளி அருகே பைக் வந்து கொண்டிருந்தது.
அப்போது நாகமங்கலத்தை சேர்ந்த பாலாஜி(35) என்பவர் தனது அண்ணன் மகள்களை பள்ளியில் விடுவதற்காக பைக்கில் அழைத்து வந்து கொண்டிருந்தார். எதிர்பாராதவிதமாக இரண்டு பைக்குகளும் நேருக்கு நேர் மோதியது. இதில் 5 பேரும் தூக்கி வீசப்பட்டனர். உடனடியாக அவர்களை மருத்துவமனையில் சேர்த்தனர். இதில் பைக் ஓட்டிய பாலாஜி, காளிமுத்து ஆகிய இருவரும் இறந்தனர். மற்றவர்களக்கு போலீசார் சிகிச்சை அளிக்கிறார்கள். விபத்து குறித்து மணிகண்டம் போலீசார் விசாரணை நடத்தினர்.