இந்திய டெஸ்ட் கிரிக்கெட் அணி ஆஸ்திரேலியாவில் சுற்றுப்பயணம் மேற்கொண்டுள்ளது. அங்கு 5 டெஸ்ட் போட்டிகளில் விளையாடுகிறது. நேற்று பெர்த் நகரில் முதல் டெஸ்ட் தொடங்கியது. டாஸ் வென்ற இந்திய கேப்டன் பும்ரா பேட்டிங் தேர்வு செய்தார். இந்தியா அனைத்து விக்கெட்டுகளையும் இழந்து 150 ரன்கள் எடுத்தது.
அதைத்தொடர்ந்து ஆஸ்திரேலியா பேட்டிங் செய்தது. நேற்று ஆட்ட நேர முடிவில் 7 விக்கெட் இழந்து67 ரன்கள் எடுத்திருந்த நிலையில் இன்று காலை ஆஸ்திரேலியா தொடர்ந்து பேட்டிங் செய்தது. இன்று காலை போட்டி தொடங்கிய2 மணி நேரத்தில் ஆஸ்திரேலியா எஞ்சியிருந்த 3 விக்கெட்டுகளையும் இழந்து 104 ரன்களே எடுத்தது. இந்திய வீரர்கள் கேப்டன் பும்ரா 5, ஹர்ஷித் ரானா 3, முகமது சிராஜ் 2 விக்கெட்களையும் கைப்பற்றினர். இதன் மூலம் 46ரன்கள் இந்தியா முன்னிலை பெற்று உள்ளது.
அதைத்தொடர்ந்து இந்தியா 2வது இன்னிங்சை தொடங்கியது. ஜெய்ஸ்வால், கே. எல். ராகுல் தொடக்க ஆட்டக்காரர்களாக களம் இறங்கினர்.