அரியலூரில் மொழிப்போர் தியாகி சின்னசாமிக்கு அதிமுக சார்பில் மரியாதை…

அரியலூர் மாவட்ட அதிமுக மாணவர் அணி சார்பாக மொழிப்போர் தியாகிகளுக்கு வீரவணக்கம் செலுத்தப்பட்டது. கீழப்பழூவூர் புதிய பேருந்து நிலைத்தில் அமைந்துள்ள மொழிப்போர் தியாகி.சின்னசாமி அவர்களின் திருஉருவ சிலைக்கு அரியலூர் மாவட்ட கழக செயலாளர், தமிழ்நாடு முன்னாள் அரசு தலைமை கொறடா, தாமரை.எஸ் ராஜேந்திரன் தலைமையில் கீழப்பழுவூர் பழைய பேருந்து நிலையத்தில் இருந்து அமைதி ஊர்வலமாக வந்து புதிய பேருந்து நிலையத்தில் அமைந்துள்ள மொழிப்போர் தியாகி சின்னசாமியின் திருவுருவ சிலைக்கு மலர்வலையம் வைத்து மரியாதை செலுத்தினார். இந்நிகழ்ச்சியில் மாவட்ட, ஒன்றிய, நகர, பேரூர், கிளை பொறுப்பாளர்கள் மற்றும் தொண்டர்கள் பெருமளவில் கலந்து கொண்டனர்.