புதுக்கோட்டை மாவட்டம் அறந்தாங்கி சந்தைப்பேட்டை ரோட்டில் உள்ள பட்டாசுக்கடையில் இன்று அதிகாலை திடீரென தீ விபத்து ஏற்பட்டது. அப்போது அங்கு யாரும் இல்லாததால் தீ மளமளவென பரவி அருகில் உள்ள நகைக்கடை, பாத்திரக்கடையும் பற்றி எரிந்தது.
உடனடியாக தீயணைப்பு வாகனங்கள் வந்து தீயை அணைக்க போராடியது. பல மணி நேரம் போராடி தீயை
அணைத்தனர். அதற்குள் நகைக்கடை, பாத்திரக்கடையில் பெரிய அளவில் சேதம் ஏற்பட்டு விட்டது. பாத்திரக்கடையில் இருந்த பாத்திரங்கள் அனைத்தும் எரிந்து போனது. சேத மதிப்பு உடனடியாக தெரியவில்லை. விபத்து குறித்து அறந்தாங்கி போலீசார் விசாரணை நடத்தி வருகிறார்கள்.