தஞ்சை மாவட்டம் பாபநாசம் அடுத்த மெலட்டூரில் பேரறிஞர் அண்ணா பிறந்த நாள் விழா திமுக சார்பில் கொண்டாடப்பட்டது.அண்ணாவின் படத்திற்கு மாலையணிவித்து மரியாதைச் செலுத்தப் பட்டதுடன் பொது மக்களுக்கு இனிப்பு, பழம் வழங்கப் பட்டது. இதில் பேரூர் திமுக செயலர் சீனு, மாவட்டப் பிரதிநிதிகள் காத்தையன், காஞ்சித் துரை, ஒன்றிய, நகர,வார்டு நிர்வாகிகள், பேரூராட்சி கவுன்சிலர்கள் உட்பட ஏராளமானோர் கலந்து கொண்டனர்.
அ.தி.மு.க சார்பிலும் மெலட்டூரில் அறிஞர் அண்ணாவின் பிறந்த நாள் விழா கொண்டாடப்பட்டது. அண்ணாவின் படத்திற்கு மாலை அணிவித்து மரியாதை செலுத்தி, பொது மக்களுக்கு இனிப்புகள் வழங்கப் பட்டது. அம்மாபேட்டை வடக்கு ஒன்றியச் செயலர் ராமச் சந்திரன் தலைமையில், நகர செயலர் சின்னதுரை, பாசறை மாவட்ட துணைத் தலைவர் திருமாவளவன் முன்னிலையில் நடந்த நிகழ்ச்சியில் ஏராளமான அதிமுகவினர் பங்கேற்றனர். முன்னதாக மெலட்டூர் பேருந்து நிலையத்திலிருந்து முக்கிய வீதிகள் வழியாக ஊர்வலமாக வந்தனர்.