மிக்ஜம் புயல் காரணமாக சென்னையில் நேற்று முன்தினம் இரவும், நேற்று பகலிலும் வரலாறு காணாத மழை கொட்டித் தீர்த்தது. இதனால் சென்னை வௌ்ளத்தில் மிதந்தது. இந்த நிலையில் மிக்ஜம் புயல் சின்னம் நேற்று இரவு ஆந்திராவை நோக்கி நகர்ந்தது. எனவே சென்னையில் மழை கட்டுக்குள் வந்தது. இந்த மழையால் சென்னை விமான நிலையத்திற்குள்ளும் மழை வெள்ளம் தேங்கியது. இதனால் நேற்று சென்னையில் விமான சேவை முழுவதுமாக ரத்து செய்யப்பட்டது.
இன்று காலை விமான நிலையத்தில் தேங்கியிருந்த வெள்ள நீர் வடியவைக்கப்பட்டதால் இன்று காலை முதல் விமான சேவை தொடங்கி உள்ளது. முக்கிய நகரங்களுக்கு மட்டும் விமானங்கள் இயக்கப்படும் என சென்னை விமான நிலைய அதிகாரிகள் அறிவித்துள்ளனர்.