மாபெரும் மக்கள் இயக்கமான அனைத்திந்திய அண்ணா திராவிட முன்னேற்றக் கழகத்தின் 53-ம் ஆண்டு துவக்க விழாவையொட்டி திருச்சி, திருவெறும்பூர், BHEL அண்ணா தொழிற்சங்க வளாகத்தில் உள்ள புரட்சித்தலைவரின் திருவுருவ சிலை மற்றும் புரட்சித்தலைவி அம்மாவின் திருவுருவ படத்திற்கு திருச்சி புறநகர் தெற்கு மாவட்ட செயலாளர் ப.குமார் மாலை அணிவித்து மரியாதை செலுத்தி, கழக கொடியேற்றி தொண்டர்களும் பொதுமக்களுக்கும் இனிப்புகள் மற்றும் காலை உணவு அன்னதானமாக வழங்கப்பட்டது.
அதுசமயம் திருச்சி புறநகர் தெற்கு மாவட்ட கழகத்திற்கு உட்பட்ட மாவட்ட, ஒன்றிய, நகர, பகுதி, பேரூர் கழகத்திற்கு உட்பட்ட நிர்வாகிகள் மற்றும் சார்பு அணி நிர்வாகிகள், BHEL அண்ணா தொழிற்சங்க நிர்வாகிகள் செயல்வீரர்கள் வீராங்கனைகள் ஆகியோர் கலந்து கொண்டு விழாவினை சிறப்பித்தனர்.