கார்த்திக் சுப்புராஜ் இயக்கத்தில் கடந்த 2019-ம் ஆண்டு வெளியான பேட்ட படத்தின் மூலம் தமிழ் சினிமாவில் அறிமுகமானார் மேகா ஆகாஷ். அதனைத்தொடர்ந்து, தனுஷுடன்என்னை நோக்கி பாயும் தோட்டா, சிம்புவுக்கு ஜோடியாக வந்தா ராஜாவா தான் வருவேன் படத்தில் நடித்து பிரபலமானார். பின்னர் ஏராளமான தெலுங்கு படங்களிலும் நடித்தார்.கடைசியாக இவரது நடிப்பில், சபாநாயகன், வடக்குப்பட்டி ராமசாமி, மழை பிடிக்காத மனிதன் 
உள்ளிட்ட படங்கள் வெளியாகின. இந்நிலையில், நேற்று மேகா ஆகாஷுக்கு திருமண நிச்சயதார்த்தம் நடந்துள்ளது
மணமகன் பெயர் சாய் விஷ்ணு . நிச்சயதார்த்த புகைப்படங்களை நடிகை மேகா சமூகவலைதளத்தில் பதிவிட்டு தனது ஆசை நிறைவேறியதாக கூறி உள்ளார். சாய் விஷ்ணுவை மேகா காதலித்து வந்ததாக தெரிகிறது. இப்போது காதல் கைகூடி நிச்சயதார்த்தம் நடந்துள்ளது. மேகா சென்னையை பூர்வீகமாக கொண்டவர். அவருக்கு 29 வயது ஆகிறது.