தமிழகத்தில் ஆவின் நிறுவனத்தின் மூலம் தரமான பொருட்களை குறைந்த விலையில் மக்களுக்கு பயன்தரும் வகையில் விற்பனை செய்யப்பட்டு வருகிறது. நாள் ஒன்றுக்கு 25 லட்சம் லிட்டருக்கும் மேல் ஆவின் பால் விற்பனை செய்யப்படுகிறது. சென்னையில் மட்டும் 13 லட்சம் லிட்டர் ஆவின் பால் விற்பனை செய்யப்பட்டு வரும் நிலையில், 5 லட்சம் பேர் ஆவின் அட்டைதாரர்களாக இருந்து வருகின்றனர். ஆவின் நிறுவனத்தினால் பால் மட்டுமின்றி தயிர், வெண்ணெய், நெய், ஐஸ்கிரீம்கள், இனிப்பு மற்றும் கார வகைகளும் விற்பனை செய்யப்பட்டு வருகிறது.
இந்த நிலையில், ஒவ்வொரு பண்டிகையின் போதும், ஆவின் விநியோகிக்கும் பால் பாக்கெட்டுகளில், நுகர்வோருக்கு வாழ்த்து சொல்லும் வாசகங்கள் அச்சடித்து வழங்குவது வழக்கம். அந்த வகையில், ஆயுத பூஜை மற்றும் சரஸ்வதி பூஜை கொண்டாடப்பட்டு வரும் நிலையில், நுகர்வோர்களுக்கு வாழ்த்து தெரிவிக்கும் வகையில் வாழ்த்து வாசகம் அச்சிடப்பட்டு பால் விநியோகம் செய்யப்பட்டு வருகிறது. ஆவின் நிறுவனத்தின் இந்த வாழ்த்து செய்தி பொதுமக்களிடையே வரவேற்பை பெற்றுள்ளது.