திருச்சி மாவட்டம், தொட்டியம் அடுத்த அழகரை கிராமத்தை சேர்ந்தவர் வனஜா(36). அந்த பகுதியில் உள்ள ஒரு துணிக்கடையில் வேலை பார்த்து வருகிறார். இவரது கணவர் கடந்த சில ஆண்டுகளுக்கு முன்னர் பிரிந்து சென்றுவிட்டார். இதையடுத்து தன்து ஒரே மகன் ஹரீஸ் (14) தனியாக வாழ்ந்து வருகிறார்.
இவர் இன்று திருச்சி மாவட்ட ஆட்சியர் அலுவலகத்தில் நடைபெறும் மக்கள் குறைதீர்க்கும் முகாமில் வனஜா மகனுடன் வந்து மாவட்ட ஆட்சியரிடம் மனு அளித்தார் அதில்..
எனது மகன் இப்பகுதியில் உள்ள அரசு பள்ளியில் 7ம் வகுப்பு படித்து வருகிறான். திடீரென உடல்நலம் பாதிக்கப்பட்ட மகனை மருத்துவமனைக்கு அழைத்து சென்று பரிசோதித்த போது, மகனின் 2 சிறுநீரகங்களும் செயலிழந்தது தெரியவந்தது. தினமும் 2 வேளை டயாலிஜிஸ் செய்யும் நிலை உள்ளது. இதனால் குடும்ப நடத்தவே சிரமப்பட்டு வரும் நிலையில், மகனுக்கு சிகிச்சை அளிக்க
முடியாமல் அவதிப்பட்டு வருகிறேன். எனவே மகனுக்கு மருத்துவ உதவி மற்றும் மருத்துவத்துக்கான பண உதவி வழங்க வேண்டும் மனு கொடுத்தார். இதையடுத்து மாவட்ட ஆட்சியர் உரிய நடவடிக்கை எடுக்க அதிகாரிகளுக்கு உத்தரவிட்டார். மேலும் தமிழ்நாடு முதல்வர் மு.க ஸ்டாலின் அவர்கள் இரண்டு சிறுநீரகங்களும் செயலிழந்த தன் மகனுக்கு உதவ கோரி தாய் கண்ணீர் மல்க கோரிக்கை வைத்தார்..