அம்பானி வீட்டு விழா என்றால் அதில் சினிமா பிரபலங்கள் தவறாமல் ஆஜராகிவிடுவர். அந்த வகையில் ஆனந்த் அம்பானியின் ப்ரீ வெட்டிங் நிகழ்வில் ஒட்டுமொத்த பாலிவுட் நடிகர்களும் ஆப்செண்ட் ஆகாமல் ஆஜராகிவிட்டனர். அதேபோல் கோலிவுட், டோலிவுட், ஹாலிவுட் பிரபலங்களுக்கும் அழைப்பு விடுக்கப்பட்டு இருந்தது. அந்த அழைப்பை ஏற்று அவர்களும் அந்த பிரம்மாண்ட திருமண விழாவில் கலந்துகொண்டனர். அந்த வகையில் நேற்று நடைபெற்ற ப்ரீ வெட்டிங் நிகழ்வில் நடிகர் சூப்பர்ஸ்டார் ரஜினிகாந்த் கலந்துகொண்டார். அவர் தனது மகள் ஐஸ்வர்யா ரஜினி, மனைவி லதா ரஜினிகாந்த் ஆகியோருடன் வந்து கலந்துகொண்டார். அப்போது
அனில் அம்பானி, முகேஷ் அம்பானி ஆகியோரை சந்தித்தும் பேசிய ரஜினி, மணமக்களையும் நேரில் சந்தித்து வாழ்த்துக்களை தெரிவித்து உள்ளார்.
அம்பானி மகன் திருமண விழாவில் ஜம்முனு பட்டு வேஷ்டியும், வெள்ளை குர்தாவும் அணிந்தபடி வந்து கலந்துகொண்டார் ரஜினிகாந்த். அதேபோல் அவரது மனைவி லதா ரஜினிகாந்த் சிகப்பு நிற பட்டு சேலையும், மகள்
ஐஸ்வர்யா சிகப்பு நிற சுடிதாரும் அணிந்து வந்திருந்தனர். அவர் குடும்பத்தோடு எடுத்துக்கொண்ட போட்டோ தற்போது இணையத்தில் வெளியாகி படு வைரல் ஆகி வருகிறது.