தென் மாவட்டங்களில் ஏற்பட்ட வெள்ளப் பாதிப்பின் போது களத்தில் ஓடிப்போய் நிறைய பேர் உதவி செய்தனர். அப்படி உயிரையும் பொருட்படுத்தாமல் உதவி செய்த தனது ரசிகர்களுக்கு நன்றி சொல்லும் விதமாக நடிகர் சூர்யா தடபுடல் விருந்து வைத்திருக்கிறார்.
கடந்த வருடம் மிக்ஜாம் புயல் சென்னையை புரட்டி எடுத்தது. சென்னையில் புயல் பாதிப்புகள் குறைவதற்குள்ளாகவே வரலாறு காணாத வெள்ளமாக அடுத்த சில நாட்களிலேயே தூத்துக்குடி, திருநெல்வேலி, கன்னியாகுமரி உள்ளிட்ட தென்மாவட்டங்களும் கடுமையாக பாதிப்படைந்தது. பெருவெள்ளத்தால் பாதிக்கப்பட்ட மக்களுக்குப் பலரும் தங்களால் முயன்ற உதவிகளை செய்தனர். அப்படி நடிகர் சூர்யாவின் ரசிகர்களும் களத்தில் இறங்கி உதவி செய்தனர். அந்த சமயத்தில் ’இரவு, பகல் பாராது உழைக்கும் தம்பிகள் தங்களையும் பத்திரமாக பார்த்துக் கொள்ள வேண்டும்’ என நடிகர் சூர்யா அவர்களை உத்வேகப்படுத்தினார்.
அப்படி களத்தில் இறங்கி உதவி செய்தவர்களுக்கு நன்றி சொல்லும் விதமாக, நேற்று சென்னையில் சிறப்பு மதிய உணவு ஏற்பாடு செய்து அசத்தி இருக்கிறார் நடிகர் சூர்யா.
