200 கவுன்சிலர்களுக்கும் டேப் கணினி… சென்னை மேயர் அசத்தல் அறிவிப்பு!

மாநகராட்சி பள்ளி மாணவர்களை சுற்றுலா அழைத்துச் செல்ல ரூ. 45 லட்சம் ஒதுக்கீடு செய்யப்பட்டுள்ளது. எல்கேஜி முதல் 12- ம் வகுப்பு வரை படிக்கும் மாணவர்களுக்கு தலா இரண்டு சீருடை வழங்க ரூ.8.50 கோடி ஒதுக்கீடு செய்யப்பட்டுள்ளது. 255 பள்ளிகளில் சிசிடிவி கண்காணிப்பு கேமராக்கள் பொருத்த ரூ.7.46 கோடி ஒதுக்கீடு செய்யப்பட்டுள்ளது. மாநகராட்சி பள்ளி மாணவர்களுக்கு இலவச காலணிகள் வழங்க ரூ.3.59 கோடி ரூபாய் ஒதுக்கப்பட்டுள்ளது.

பள்ளி மாணவர்களுக்கு அடையாள அட்டை வழங்க ரூ.61 லட்சம் ஒதுக்கப்பட்டுள்ளது. ராயப்பேட்டையில் மாநகராட்சியின் கீழ் செயல்படும் தொழிற்பயிற்சி நிலையத்தை மேம்படுத்த ரூபாய் 3 கோடி ஒதுக்கீடு செய்யப்பட்டுள்ளது. 419 சென்னை பள்ளிகளை உடனடியாக பழுது பார்க்கும் வகையில் ரூ.1.32 கோடி நிதி ஒதுக்கப்பட்டுள்ளது. திறமை மிக்க மாணவர்களை தேர்வு செய்து அவர்களுக்கு ‘ஸ்டெம்’ (STEM) பயிற்சி வழங்க ஒரு கோடி ரூபாய் ஒதுக்கப்பட்டுள்ளது. 338 பள்ளிகளுக்கு 5 பச்சை வண்ண எழுது பலகைகள் வழங்க 92.95 லட்சம் ஒதுக்கீடு செய்யப்பட்டுள்ளது.

சைதாப்பேட்டை மருத்துவமனையில் கூடுதல் வசதிகளை ஏற்படுத்த ரூ.7 கோடி ஒதுக்கப்பட்டுள்ளது. சென்னையில் 200 வார்டுகளிலும் பெண்களுக்கு பிரத்தியேக உடற்பயிற்சி கூடம் அமைக்க 10 கோடி ரூபாய் நிதி ஒதுக்கீடு செய்யப்பட்டுள்ளது. 8 நீர்நிலைகள் ரூபாய் 10 கோடி செலவில் புனரமைக்கப்படும். வார்டு உறுப்பினர் மேம்பாட்டு நிதி ரூ.45 லட்சமாக உயர்த்தப்படும். 200 வார்டு உறுப்பினர்களுக்கும் டேப் கணினி வழங்க ஒரு கோடி ரூபாய் நிதி ஒதுக்கீடு செய்யப்படும். இது போன்ற பல்வேறு முக்கிய அறிவிப்புகளை மேயர் பிரியா தனது பட்ஜெட் உரையில் வெளியிட்டுள்ளார்.