பெரம்பலூர் மாவட்டம், வேப்பந்தட்டை தாலுகா தொண்டமாந்துறையில் உள்ள அரசு உதவி பெறும் நடுநிலைப்பள்ளியில் மாணவிகளிடம் தவறாக நடந்து கொள்ளும் ஆசிரியர் மீது நடவடிக்கை எடுக்காததை கண்டித்து பெற்றோர்கள் பள்ளியை முற்றுகையிட்டு போராட்டத்தில் ஈடுப்பட்டனர்.
வேப்பந்தட்டை தாலுகா தொண்டமாந்துறையில் அரசு உதவி பெறும் நடுநிலைப்பள்ளி உள்ளது,
ஆசிரியராக திருச்சி மாவட்டம் ஆர்.வளவனூரை சேர்ந்த சவுந்தராஜன்(57) என்பவர் பணிபுரிந்துவருகிறார்,
இவர் மாணவிகளிடம் தொட்டு பேசுவது உள்ளிட்ட தவறான நடத்தைகளில் ஈடுபடுவதாகவும் அவர்மீது நடவடிக்கை எடுக்கக்கோரி
மாணவிகளின் பெற்றோர் பள்ளி நிர்வாகத்தில் புகார் தெரிவித்துள்ளனர்,
ஆனால் பள்ளி நிர்வாகம் சமந்தப்பட்ட ஆசிரியர் மீது எந்த நடவடிக்கையும் எடுக்கவில்லை என கூறப்படுகிறது.
இதனால் ஆத்திரமடைந்த பெற்றோர்கள் டிசம்பர் 14 ம்தேதி
காலை ஆசிரியர் மீது ஏன் நடவடிக்கை எடுக்கவில்லை எனக்கேட்டு பள்ளியை முற்றுகையிட்டு போராட்டத்தில் ஈடுப்பட்டனர்,
இது குறித்து தகவலறிந்த அரும்பாவூர் போலீசார் விரைந்து வந்து பெற்றோர்களிடம்
பேச்சுவார்த்தை நடத்தை உரிய நடவடிக்கை எடுக்கப்படும் என உறுதி அளித்தனர்.அதனை தொடர்ந்து போராட்டத்தில் ஈடுப்பட்ட பெற்றோர்கள் கலைந்து சென்றனர்.
இதனால் அந்த பகுதியில் பரபரப்பு ஏற்படுத்தப்பட்டது.