மகாகவி பாரதியாரின் 141வது பிறந்தநாள் இன்று கொண்டாடப்படுகிறது. இதையொட்டி தமிழக அரசின் சார்பில் அவரது சிலைக்கு மாலை அணிவித்து மரியாதை செலுத்தப்பட்டது. மகாகவியின் பிறந்தநாளையொட்டி முதல்வர் மு.க.ஸ்டாலின் தெரிவித்துள்ள வாழ்த்தில், “தமிழ்க்கவிதை மரபில் புதுப்பாதை அமைத்துப் புரட்சி நிகழ்த்திய மகாகவி பாரதியாரின் பிறந்தநாளில் அவர் தமிழுக்கும் இந்திய விடுதலைப் போராட்டத்துக்கும் ஆற்றிய பெரும்பணிகளைப் போற்றி வணங்குவோம். வாழிய முண்டாசுக் கவிஞனின் புகழ் வையம் உள்ளவரை!” என்று கூறி உள்ளார்.