திருச்சி மாவட்டம், லால்குடி அருகே தண்ணீர்பந்தலில் உள்ள கொள்ளிடம் ஆற்றில் 50 வயது மதிக்கத்தக்க அடையாளம் தெரியாத ஆண் சடலத்தை மீட்டு போலீசார் விசாரணை செய்து வருகின்றனர்.
தண்ணீர்பந்தலில் உள்ள கொள்ளிடம் ஆற்றில் அடையாளம் தெரியாத ஆண் சடலம் தண்ணீரில் மிதந்து வந்து கொண்டிருந்தது. இது குறித்து அப்பகுதி மக்கள் லால்குடி போலீசாருக்கு தகவல் அளித்தனர். தகவல் அறிந்த போலீசார்
லால்குடி தீயணைப்பு நிலையத்திற்கு தகவல் கொடுத்தனர். தகவலறிந்த லால்குடி தீயணைப்பு நிலைய அலுவலர் போக்குவரத்து சுரேஷ் தலைமையில் சிறப்பு நிலை அலுவலர் பிரபு வீரர்கள் ராஜா, சசிகுமார்,விஜய், சுரேஷ் உள்ளிட்டோர் சம்பவ இடத்திற்கு விரைந்து சென்று சடலத்தை மீட்டு போலீசாரிடம் ஒப்படைத்தனர். பின்னர் உடலை கைப்பற்றிய போலீசார் உடற்கூறு ஆய்விற்க்காக லால்குடி அரசு மருத்துவமனைக்கு அனுப்பி வைத்தனர். பின்னர் இச்சம்பவம் குறித்து வழக்கு பதிவு செய்த போலீசார் இறந்தவர் யார், எந்த ஊரை சேர்ந்தவர்,எப்படி தண்ணீரில் விழுந்தார் என பல்வேறு கோணங்களில் விசாரணை செய்து வருகின்றனர்.