மிக்ஜம் புயல் வங்க கடலில் நிலைகொண்டுள்ளது. இது இன்னும் சற்று நேரத்தில் தீவிர புயலாக மாற உள்ளது. இந்த நிலையில் கடந்த 2 தினங்களாக சென்னை, செங்கல்பட்டு, காஞ்சிபுரம், திருவள்ளூர் மாவட்டங்களில் மழை கொட்டி தீர்க்கிறது. தற்போது சென்னைக்கு 130 கி.மீ. தொலைவில் புயல் நிலை கொண்டு உள்ளது. இதன் காரணமாக மேற்கண்ட 4 மாவட்டங்களிலும் பலத்த காற்றுடன் மழை கொட்டி வருகிறது. இதனால் 4 மாவட்டங்களிலும் இன்று டாஸ்மாக் கடைகளுக்கும் விடுமுறை அளிக்கப்பட்டுள்ளது. இதற்கான அறிவிப்பு நேற்று வெளியிடப்பட்டதும் குடிமகன்கள் டாஸ்மாக் கடைகளில் குவிந்தனர். இன்றைய குளிரை சமாளிக்க நேற்றே சரக்குகளை வாங்கிச்சென்றனர்.
