ஆசியக் கோப்பை 2023 பாகிஸ்தான் மற்றும் இலங்கையில் வரும் 30ம் தேதி தொடங்குகிறது. போட்டிகள் செப்டம்பர் 17 வரை நடைபெற உள்ளது. இந்தப் போட்டியானது 50 ஓவர்கள் கொண்ட ஒருநாள் போட்டியாக இருக்கும், அனைத்து போட்டிகளும் சர்வதேச தர மைதானங்களில் நடைபெறும். போட்டியில் பங்கேற்கும் 6 அணிகள் 2 குழுக்களைக் கொண்டிருக்கும், ஒவ்வொரு குழுவிலிருந்தும் இரண்டு அணிகள் சூப்பர் போர் நிலைக்குத் தகுதி பெறும். சூப்பர் போர் கட்டத்தில் முதல் இரண்டு இடங்களை பிடிக்கும் அணிகள் இறுதிப் போட்டியில் மோதும்.
ஆசிய கோப்பை 2023 முல்தானில் பாகிஸ்தான் மற்றும் நேபாள அணிகளுக்கு இடையிலான தொடக்க ஆட்டத்துடன் தொடங்குகிறது . குரூப் ஏ – வில் பாகிஸ்தான், இந்தியா மற்றும் நேபாளம் அணிகள் உள்ளன, குரூப் பியில் வங்கதேசம், ஆப்கானிஸ்தான் மற்றும் இலங்கையும் உள்ளன.
போட்டிகள் ஐம்பது ஓவர்கள் கொண்ட வடிவத்தில் நடத்தப்படும், மேலும் ஹோஸ்டிங் பொறுப்புகள் பாகிஸ்தானுக்கும் இலங்கைக்கும் இடையில் பிரிக்கப்பட்டுள்ளன. பாகிஸ்தான் இரண்டு மைதானங்களில் நான்கு போட்டிகளை நடத்துகிறது, மீதமுள்ள ஆட்டங்கள் இலங்கையில் நடைபெறும்.
இந்த நிலையில் ஆசிய கோப்பை போட்டிக்கு இந்திய அணியை பிசிசிஐ அறிவித்தது. ரோகித் சர்மா தலைமையில் 17 பேர் அதில் இடம் பெற்று உள்ளனர். ரோஹித் சர்மா (கேப்டன்) விராட் கோலி, சுப்மன் கில்,ஷ்ரேயாஸ் ஐயர், கே.எல். ராகுல், ஹர்திக் பாண்டியா(துணை கேப்டன்), ரவீந்திர ஜடேஜா, ஜஸ்பிரித் பும்ரா, குல்தீப் யாதவ், முகமது சிராஜ், முகமது ஷமி, இஷான் கிஷன், ஷர்துல் தாகூர், அக்சர் பட்டேல், சூர்யகுமார் யாதவ், திலக் வர்மா, பிரசித் கிருஷ்ணா, ரிசர்வ் வீரர்: சஞ்சு சாம்சன்
தமிழகத்தை சேர்ந்த அஸ்வின் இடம் பெறுவார் என எதிர்பார்க்கப்பட்டது. ஆனால் அவருக்கு வாய்ப்பு இல்லை. தமிழக வீரர்கள் யாரும் அணியில் இல்லை. இதே அணி தான் உலக கோப்பைக்கும் அறிவிக்கப்படலாம் என கூறப்படுகிறது. எனவே உலக கோப்பைக்கும் தமிழக வீரர்களுக்கு வாய்ப்பு கிடைப்பது சந்தேகம் தான்.
அஸ்வின், வாஷிங்டன் சுந்தர் போன்ற தமிழக வீரர்கள் சேர்க்கப்படவில்லையே என கேப்டன் ரோகித் சர்மாவிடம் கேட்டபோது, 17 வீரர்கள் தான் அணியில் சேர்க்க முடியும். இதற்கு மேல் அஸ்வின், வாஷிங்டன் சுந்தர் போன்றவர்களை சேர்த்தால், பாஸ்ட் பவுலர் ஒருவரை நீக்க வேண்டியது இருக்கும். அதனால் அஸ்வினுக்கு வாய்ப்பு அளிக்கப்படவில்லை என்று கூறினார்.
2023 ஆசிய கோப்பைக்கான அட்டவணையை ஆசிய கிரிக்கெட் கவுன்சில் (ஏசிசி)அறிவித்து உள்ளது.அதன் விவரம்:
| தேதி | அணிகள் | இடம் |
|---|---|---|
| 30 ஆகஸ்ட் | பாகிஸ்தான் Vs நேபாளம் | முல்தான், பாகிஸ்தான் |
| 31 ஆகஸ்ட் | பங்களாதேஷ் Vs இலங்கை | கண்டி, இலங்கை |
| 2 செப்டம்பர் | பாகிஸ்தான் Vs இந்தியா | கண்டி, இலங்கை |
| 3 செப்டம்பர் | பங்களாதேஷ் Vs ஆப்கானிஸ்தான் | லாகூர், பாகிஸ்தான் |
| 4 செப்டம்பர் | இந்தியா Vs நேபாளம் | கண்டி, இலங்கை |
| 5 செப்டம்பர் | ஆப்கானிஸ்தான் எதிராக இலங்கை | லாகூர், பாகிஸ்தான் |
| சூப்பர் 4 வி | ||
| 6 செப்டம்பர் | A1 v B2 | லாகூர், பாகிஸ்தான் |
| 9 செப்டம்பர் | B1 v B2 | கொழும்பு, இலங்கை |
| 10 செப்டம்பர் | A1 v A2 | கொழும்பு, இலங்கை |
| 12 செப்டம்பர் | A2 v B1 | கொழும்பு, இலங்கை |
| 14 செப்டம்பர் | A1 v B1 | கொழும்பு, இலங்கை |
| 15 செப்டம்பர் | A2 v B2 | கொழும்பு, இலங்கை |
| 17 செப்டம்பர் | இறுதி | கொழும்பு, இலங்கை |