திருச்சி மாவட்டம் முழுவதும் சிறப்பு பெயர் மாற்ற முகாம் ஏற்பாடு செய்யப்பட்டுள்ளது. இதுகுறித்து தமிழ்நாடு மின் உற்பத்தி மற்றும் பகிர்மான கழகத்தின் திருச்சி மின்பகிர்மான வட்ட மேற்பார்வை பொறியாளர் பிரகாசம் வெளியிட்டுள்ள செய்திக்குறிப்பில் கூறியிருப்பதாவது:.. திருச்சி மின்பகிர்மான வட்டத்தில் உள்ள அனைத்துப் பிரிவு அலுவலகங்களிலும் வரும் 24ம் தேதி முதல் மின் இணைப்புகளுக்கான சிறப்பு பெயர் மாற்ற முகாம் நடைபெற உள்ளது. மின்நுகர்வோர்கள் தங்களது இணைப்பிற்கான விவரங்களை புதுப்பிக்கும் வகையிலும் மின் இணைப்புகளில் உள்ள பெயரை மாற்றும் விதமாகவும் திருச்சி மாவட்டம் முழுவதும் சிறப்பு பெயர் மாற்ற முகாம் ஏற்பாடு செய்யப்பட்டுள்ளது. எனவே திருச்சி மாவட்டத்தை சேர்ந்த மின்நுகர்வோர்கள் தங்களுக்குரிய ஆவணங்களுடன் தொடர்புடைய பிரிவு அலுவலகங்களில் உரிய பெயர் மாற்ற கட்டணம் செலுத்தி மின் இணைப்புகளுக்கான பெயர் மாற்ற சேவையை பெற்று கொள்ளலாம் என்று இவ்வாறு தெரிவித்துள்ளார்.
