தமிழகம் முழுவதும் காமராஜரின் பிறந்த நாளை கல்வி வளர்ச்சி நாளாக கொண்டாடப்பட்டு வருகிறது. அதன் ஒரு பகுதியாக கரூரில் வெண்ணமலையில் செயல்பட்டு வரும் தனியார் மேல்நிலைப் பள்ளியின் சார்பில் கல்வி சார் விழிப்புணர்வு பேரணி நடைபெற்றது. இப்பேரணியை கொங்கு கல்வி அறக்கட்டளை தலைவர் அட்லஸ் நாச்சி முத்து கொடியசைத்து துவக்கி வைத்தார். இப்பேரணியானது கோவை சாலையில் உள்ள கொங்கு திருமண
மண்டபத்தில் துவங்கி கோவை சாலை, வையாபுரி நகர், பேருந்து நிலையம், ஜவஹர் பஜார், தலைமை தபால் நிலையம், சர்ச் கார்னர் வழியாக சென்று சி.எஸ்.ஐ விளையாட்டு மைதானத்தில் முடிவடைந்தது. இப்பேரணியில் 600க்கும் மேற்பட்ட மாணவ, மாணவிகள் கையில் பதாகையை எந்தியும், கோஷங்களை எழுப்பியவாறு கலந்து கொண்டு கொண்டனர்.