திருச்சி, லால்குடி காவல் நிலைய எல்லைக்குட்பட்ட நன்னிமங்கலம் காளியம்மன் கோவில் அருகே பணம் வைத்து சூதாட்டம் நடைபெறுவதாக போலீசாருக்கு ரகசிய தகவல் கிடைத்துள்ளது. இத்தகவலின் அடிப்படையில் விரைந்து சென்ற லால்குடி போலீசார் அப்பகுதியில் சோதனை செய்தனர். அப்போது அங்கு பணம் வைத்து சூதாட்டத்தில் ஈடுபட்ட நன்னிமங்கலம் பகுதியைச் சேர்ந்த ராபின்சன் ,வின்சென்ட் ,நடராஜன் ,பரமசிவபுறத்தை சேர்ந்த சர்தார் ஆகிய 4 பேரையும் போலீசார் கைது செய்தனர். மேலும் அவர்களிமிருந்து 1250 ரூபாய் பணமும் அவர்கள் பயன்படுத்தியசீட்டு கட்டுகள் பறிமுதல் செய்யப்பட்டது. இதனால் அப்பகுதியில் பெரும் பரபரப்பு ஏற்பட்டது.
