அமெரிக்க ஜனாதிபதி ஜோ பைடன் மற்றும் அவரது மனைவி மற்றும் அமெரிக்காவின் முதல் பெண்மணியான ஜில் பைடன் ஆகியோரின் அழைப்பின் பேரில் பிரதமர் மோடி அமெரிக்காவிற்கு அரசுமுறை சுற்றுப்பயணம் மேற்கொண்டு உள்ளார்.
பிரதமர் மோடி நியூயார்க்கில் உள்ள ஐ.நா. தலைமையகத்தில் நடைபெற்ற யோகா நிகழ்ச்சியில் கலந்து கொண்டார். இதனை தொடர்ந்து விமானம் மூலம் வாஷிங்டன் புறப்பட்டு சென்றார். பிரதமர் மோடிக்கு வாஷிங்டன்நகரில் ஆண்ட்ரூஸ் ராணுவ தளத்தில் சிறப்பான வரவேற்பு அளிக்கப்பட்டது. அப்போது மழை பெய்து கொண்டிருந்தது.
எனினும், அவரை வரவேற்பதற்காக சீருடை அணிந்த ராணுவ வீரர்களின் இசை குழுவினர் தயாராக இருந்தனர். அவர்கள், இசை கருவிகளை இசைத்து பாரம்பரிய முறைப்படி மோடியை வரவேற்றனர். கொட்டும் மழையிலும் பிரதமர் மோடி, ராணுவ வீரர்கள் அளித்த வரவேற்பை ஏற்று கொண்டார்.