எஸ்.எஸ்.எல்.சி. பொதுத் தேர்வு கடந்த ஏப்ரல் மாதம்  நடந்தது.  மொத்தம் 9 லட்சத்து 14ஆயிரத்து 320 பேர்  இந்த தேர்வு எழுதினர். அதன்,   ரிசல்ட்டை  இன்று (வெள்ளிக்கிழமை) காலை 10 மணிக்கு தேர்வுத்துறை இயக்குனர் சேதுராம வர்மா வெளியிட்டார்.  . இதில்  8 லட்சத்து 35ஆயிரத்து 614 மாணவ, மாணவிகள் தேர்ச்சி பெற்றனர்.  தேர்ச்சி சதவிகிதம் 91.39% . மாணவர்களை விட மாணவிகளே அதிகம் தேர்ச்சி பெற்றுள்ளனர். கடந்த ஆண்டை விட இந்த ஆண்டு தேர்ச்சி அதிகம்  ஆகும்.  கடந்த ஆண்டு 90.07% பேர் தான் தேர்ச்சி பெற்று இருந்தனர்.1026 அரசு பள்ளிகளில் மாணவ, மாணவிகள் 100% தேர்ச்சி பெற்றுள்ளனர். மாணவிகளில் 4, 30, 710 பேரும், மாணவர்களில் 4, 04,904 பேரும் தேர்ச்சி பெற்றனர்.

12,638 பள்ளிகளை சேர்ந்த மாணவ, மாணவிகள் இந்த தேர்வினை எழுதினர். இதில் 3,718 பள்ளிகள் 100% தேர்ச்சி பெற்றுள்ளனர். இதில் 1026 அரசு பள்ளி 100% தேர்ச்சி பெற்றுள்ளது.

அரசு பள்ளிகள் 87.45%, அரசு உதவிபெறும் பள்ளிகள் 92.24%,  தனியார் பள்ளிகள் 97.38% தேர்ச்சி பெற்றுள்ளது குறிப்பிடத்தக்கது. தேர்வெழுதிய 264 சிறைவாசிகளில் 112 பேர் தேர்ச்சி பெற்றுள்ளனர்.

மாநில அளவில் பெரம்பலூர் மாவட்டம் (97.67%) தேர்ச்சியில் முதலிடம் பிடித்துள்ளது.  2ம் இடத்தை சிவகங்கை மாவட்டமும்(97.53%), 3ம் இடத்தை விருதுநகரும்(96.22%) பெற்றுள்ளது.

கன்னியாகுமரி  மாவட்டம் 95.99% தேர்ச்சி பெற்று 4வது இடத்தையும், தூத்துக்குடி மாவட்டம்  95.58% தேர்ச்சி பெற்று 5வது இடத்தையும் பிடித்தது.

12,638 பள்ளிகளை சேர்ந்த மாணவ, மாணவிகள் இந்த தேர்வினை எழுதினர். இதில் 3,718 பள்ளிகள் 100% தேர்ச்சி பெற்றுள்ளனர். இதில் 1026 அரசு பள்ளி 100% தேர்ச்சி பெற்றுள்ளது.

அரசு பள்ளிகள் 87.45%, அரசு உதவிபெறும் பள்ளிகள் 92.24%,  தனியார் பள்ளிகள் 97.38% தேர்ச்சி பெற்றுள்ளது குறிப்பிடத்தக்கது. தேர்வெழுதிய 264 சிறைவாசிகளில் 112 பேர் தேர்ச்சி பெற்றுள்ளனர்.

பெரம்பலூர் மாவட்டம் பத்தாம் வகுப்பு பொதுத் தேர்வில் 97.67% தேர்ச்சி விழுக்காடு பெற்று மாநில அளவில் முதலிடம் பெற்று சாதனை படைத்துள்ளது. கடந்த ஆண்டு மாநில அளவில் 2ம் இடம் பிடித்த பெரம்பலூர் இந்த ஆண்டு முதலிடம் பிடித்துள்ளது குறிப்பிடத்தக்கது.

பத்தாம் வகுப்பு பொதுத் தேர்வில் பெரம்பலூர் மாவட்டத்தில் 41 தேர்வு மையங்களில் 4288 மாணவர்கள் ,3905 மாணவிகள் என மொத்தம் 8193 பேர் தேர்வு எழுதினர்.

இதில் 7852 பேர் தேர்ச்சி பெற்றுள்ளனர்.இந்த நிலையில் பெரம்பலூர் மாவட்டம் 97.67% தேர்ச்சி விழுக்காடு பெற்று மாநில அளவில் முதலிடம் பெற்று சாதனை படைத்துள்ளது.