தஞ்சை அருகே மாரியம்மன் கோயில் தேரோட்டம்…. வடம் பிடித்து இழுத்த பக்தர்கள்..

தஞ்சை மாவட்டம், அய்யம்பேட்டை அடுத்த கணபதி அக்ரஹாரம் அருகே மணலூர் மகா மாரியம்மன் கோயில் தேரோட்டம் நடந்தது. இக்கோயிலின் பிரம்மோத்சவ விழாவையொட்டி கடந்த 7 ந் தேதி அய்யனாருக்கு காப்பு கட்டப் பட்டது. தினமும் இரவு அம்மன் பல்வேறு வாகனங்களில் வீதியுலா நடந்தது. நேற்று முன் தினம் இரவு புஷ்ப பல்லக்கில் அம்மன் வீதியுலா நடந்தது . விழாவின் முக்கிய நிகழ்வான தேரோட்டம் நேற்று நடந்தது. அலங்கரிக்கப்பட்ட தேரில் அம்மன் எழுந்தருள திரளான பக்தர்கள் தேரை வடம் பிடித்து இழுத்தனர்.