தமிழ்நாடு காங்கிரஸ் இலக்கிய அணியின் சார்பாக மாநில நிர்வாகிகள் மற்றும் மாவட்டத் தலைவர்கள் ஆலோசனை கூட்டம் திருச்சி காங்கிரஸ் கட்சி அலுவலகமான அருணாச்சலம் மன்றத்தில் மாநிலத் தலைவர் பி.எஸ்.புத்தன் தலைமையில் இன்று நடைபெற்றது. இந்நிகழ்ச்சியில் திருநெல்வேலி மாவட்ட தலைவர் முத்துகிருஷ்ணன், மாநிலத் துணைத் தலைவர் சிங்கை தர்மன், ஆலடி சங்கரய்யா, மாநில பொதுச் செயலாளர்கள் ஜெயப்பிரியா,ராதாகிருஷ்ணன், திருச்சி மாவட்ட தலைவர் சிவா, வைத்தியநாதன், துணைத் தலைவர் சதீஷ், பொருளாளர் மதி,சங்கரய்யா, முத்துகிருஷ்ணன், ராதாகிருஷ்ணன் மற்றும் காங்கிரஸ் நிர்வாகிகள் கலந்து கொண்டனர். இதனைத் தொடர்ந்து செய்தியாளர்களிடம் பேசிய மாநிலத் தலைவர் புத்தன் அவர்கள் பாசிச பாஜக அரசு கண்டித்து இலக்கிய அணியின் சார்பில் விரைவில் மாநிலம் முழுதும் போராட்டம் நடைபெறும் என்றும் இளம் தலைவர் ராகுல் காந்தி இந்தக் கடுமையான நேரத்திலும் நாட்டு மக்களின் நம்பிக்கையை பெற்று 2024 ஆம் ஆண்டு பாரத பிரதமர் ஆவது உறுதிய எனவும் கூறினார்
