வெறிநாய் கடித்ததில் சிறுவர்கள், பெரியவர்கள் உட்பட 15 பேர் காயம்….

கரூர் மாவட்டம் குளித்தலை அருகே லாலாப்பேட்டையில் தெருவில் சுற்றித்திரிந்த வெறிநாய் ஒன்று சாலையில் நடந்து சென்ற பெரியவர்கள் சிறியவர்கள் என பலரை கடித்துள்ளது. லாலாபேட்டை, நந்தன்கோட்டை, திம்மாச்சிபுரம், கே.பேட்டை ஆகிய பகுதிகளில் சுற்றி திரிந்த நாய் சிறுவர்கள் முதல் பெரியவர்கள் வரை சுமார் 15 பேரை கடித்து குதறி உள்ளது.

இதில் சிறுவர்கள் கிரி (4), பரிவாணன் (5), பிரதீஸ்வரர் (6), கிஷோர் (8), ராதிகா(38), புகழேந்தி (51), மழைக்கொழுந்து (60), கார்த்திக்

(31), மல்லிகா (60) ,சந்திரா (53), முத்துலட்சுமி (35), சாந்தி ( 43), தானபாக்கியம் (62), பாலகுமார் ( 33), சௌந்தர்ராஜன் (31), உள்ளிட்ட 15 பேரை கை மற்றும் கால்களில் கடித்து குதறி உள்ளது.இதில் காயம் அடைந்த 15 பேரும் குளித்தலை அரசு மருத்துவமனையில் சிகிச்சை பெற்று வருகின்றனர். குளித்தலை அருகே வெறி நாய் கடித்ததில் 4 சிறுவர்கள் உட்பட 15 பேர் காயம் அடைந்த சம்பவம் அப்பகுதியில் பெரும் பரபரப்பை ஏற்படுத்தி உள்ளது.