தமிழக முதல்வர் ஸ்டாலின் 70வது பிறந்த நாள் கொண்டாட்டத்தின் ஒரு பகுதியாக சென்னை ராஜா அண்ணாமலை மன்றத்தில் எங்கள் முதல்வர் எங்கள் பெருமை என்ற தலைப்பில் புகைப்படக் கண்காட்சி கடந்த பிப்ரவரி 28 ம் தேதி துவங்கியது. இதை மநீம தலைவர் கமல்ஹாசன் திறந்து வைத்தார். முதல்வர் ஸ்டாலின் புகைப்பட கண்காட்சியை நாள்தோறும் பல்துறை சார்ந்த பிரபலங்களும்
பார்வையிட்டு வருகின்றனர். குறிப்பாக சூப்பர் ஸ்டார் ரஜினி உள்பட பல்வேறு திரையுலக பிரபலங்கள் பார்வையிட்டனர்.
முதல்வர் ஸ்டாலின் வாழ்க்கையின் பரிமாணங்களை விளக்கும் வகையில் பல்வேறு புகைப்படங்கள் இதில் இடம் பெற்றுள்ளன. இதனை தொடர்ந்து மதுரையிலும் இந்த கண்காட்சி நடந்து வருகிறது. அதைத்தொடர்ந்து கோவை வஉசி மைதானத்தில் ‘எங்கள் முதல்வர் எங்கள் பெருமை ‘ புகைப்பட கண்காட்சி துவங்கப்பட உள்ளது. இப்புகைப்பட கண்காட்சிக்கான ஆரம்ப கட்ட பணியினை மின்சாரத்துறை மற்றும் ஆயத்தீர்வைத்துறை அமைச்சர் செந்தி்பாலாஜி பார்வையிட்டு பணிகளை தீவிரப்படுத்தியதுடன், ஆலோசனைகளையும் வழங்கினார்.