நாகை மாவட்டம், வேளாங்கண்ணி பேருந்து நிலையம் அருகே சந்திரகாந்த் என்பவர் வசித்து வருகிறார் வேலைக்கு சென்று விட்டு இரவு தனது வீட்டின் வாசலில் பல்சர் இருசக்கர வாகனத்தை நிறுத்திவிட்டு சென்றுள்ளார். காலையில் வந்து பார்த்தபோது தனது இருசக்கர வாகனத்தை காணவில்லை. இதனால் அதிர்ச்சி அடைந்த சந்திரகாந்த் தனது வீட்டில் பொருத்தப்பட்டிருந்த சிசிடிவி கேமராவில் பார்த்தபோது இரண்டு மர்ம நபர்கள் தனது வாகனத்தின் சைடு
லாக்கை உடைத்து இரு சக்கர வாகனத்தை திருடிச் செல்லும் காட்சிகள் பதிவாகியுள்ளது. இது குறித்து சிசிடிவி காட்சிகளைக் கொண்டு வேளாங்கண்ணி காவல் நிலையத்தில் சந்திரகாந்த் புகார் அளித்துள்ளார். சிசிடிவி காட்சிகளை கைப்பற்றியுள்ள வேளாங்கண்ணி போலீசார் வாகனத்தை திருடி சென்ற திருடர்கள் குறித்து தீவிரமாக விசாரணை மேற்கொண்டு வருகின்றனர்.